Cough

"Coughing"

 هتكلم انهاردة بإذن الله عن الكحة وأنواعها وعلاجها.. 

• ك صيدلي واقف ف صيدلية دخلك مريض بيشتكي من كحة مفروض تعمل ايه..؟ ولا هنطلع اي دوا كحة نعطيه له وبالسلامة!!
• مبدئيا كدا لازم نسأل المريض بعض الأسئلة.. وهي:-؟

1. العمر..
2. بقاله قد ايه بيكح!!؟
3. طبيعة الكحة ( كحة ناشفة ولا ببلغم)
4. بيشتكي من حاجة تانية ولا لا (حرارة.. ألم في الزور.. ألم ف الصدر..)  

• لازم نسأل هل هو مريض..

1.  أزمة ودا هتسمع صوت تزييق (wheezing) 
2. مريض سكر ودا مناعته ضعيفة!!؟
3. مريض قلب ودا هتعرفه من خلال بعض الأعراض زي دوخة وتورم ف رجله (edema) 

طيب خدنا الداتا الكاملة للمريض؟

• لازم تكون عارف ان الكحة إما جافة إما ببلغم إما مصحوبة بدم!؟

أول نوع وهو الكحة الجافة.. ...ودي بتنقسم ل subtypes

1. منها أنها تكون  normal  ودي بتيجي للمريض بعد دور برد ممكن تقعد 3 ايام وممكن تقعد ل 3 شهور!؟ ودي الحالة ال نقدر نعطي فيها أي حاجة للكحة..
2. self limit دا مدتها يوم أو يوم ونص بالكتير طيب الكحة زايدة والمريض محتاج حاجة تقدر تعطيه اي حاجة للكحة برده والكحة ف النوع دا هتروح من اول معلقة أو معلقتين بإذن الله
3. السعال الديكي (بيكح كحة أشبه بصوت الديك) دا متحاولش تعطيه اي أدوية كل ال عليك انك تبعته للدكتور فورا

•  بالنسبة للكحة ال مصحوبة بصوت  wheezing دي بتكون عند مريض الأزمة والصوت دا بتسمعه بالسماعة ودا برده لازم يروح للمستشفي فورا

• بالنسبة لمرضى الضغط ال بيتعالجوا ب ACE Inhibitors أو حتى captopril  دول نوقف لهم العلاج دا ونشوف نوع تاني من أدوية الضغط لأن النوع دا من العلاج زي م درسنا ف الفارما بتسبب الكحة دي

تاني نوع وهو الكحة ببلغم..

أولا هتسأل ع لون البلغم ...

1. لو بلغم شفاف أو ابيض دا بياخد اي دوا مذيب أو طارد للبلغم 
2. لو لونه اصفر أو غامق (بني) أو أخضر دا معناه ان في infection  ودا لازم ياخد مضاد حيوي
3. لو في حرارة دا معناه ان في infection  في  respiratory tract ودا لازم ياخد كورس المضاد الحيوي كامل

طيب سواء كحة جافة أو كحة ببلغم العلاج ايه؟؟

• بالنسبة للكحة الجافة..

1. ممكن نعالجه بأي دوا مادته الفعالة dextromethorphan زي tussivan و codaphen
2. أو أي دوا مادته الفعالة oxeladine زي paxeladine 
3. أو أي Natural Drugs ودي بتكون أدوية مستخلصة من نباتات طبيعية زي ورق الجوافة وزي الينسون... إلى آخره زي guava reme plus syrup أو sinadry syrup 

• بالنسبة للكحة ال ببلغم..
•  محتاجين ندوب البلغم اما عن طريق مذيب بلغم أو نطرد البلغم ب 
• طارد للبلغم طيب نطرد البلغم بايه؟ 

1. بأي دوا مادته الفعالة lobelia extract زي broncho
2. أو دوا مادته  ammonium chloride

• طيب ندوبه بايه؟ 

1. أي دوا مادته الفعالة bromohexine  زي bisolvon elixir 
2. أو مادته الفعالة ambroxo 
3. أو Acetyl Cysteine ودا بيدوب البلغم عن طريق انه يكسر sulphide bonds الموجودة ف البلغم  

• طبعا في أدوية كتيرة ف الصيدلية انا اتكلمت عن بعض المواد الفعالة بس وكل مادة من دول بتدخل ف أدوية تانية غير ال ذكرتها فوق!! منها Oplex / All-Vent / Alveolin / Avipect / Babetone / Benalex / Codaohene / Guaflex / Cough Rest وغيرهم....

أي إستفسار لينك الأسك فوق في شريط التواصل...بالتوفيق إن شاء الله .